Mblidhet Kryesia e Kuvendit

Kryesia e Kuvendit të Kosovës po diskuton për mbarëvajtjen e punës së Kuvendit, ku pritet të vendosë se kur do të mbahet seanca e radhës.

Në hapje të mbledhjes, anëtari i Kryesisë nga radhët e PDK-së, Xhavit Haliti, tha se është mirë që Kryesia mos të vendosë për seancën e radhës parlamentare pa e përfunduar presidentja Atifete Jahjaga raundin e takimeve me liderët e partive politike.

Propozimi i Halitit u mbështet edhe nga Duda Balje, nga Grupi Parlamentar 6+.

Kryetari i Kuvendit, Kadri Veseli, kërkoi që mbledhja e Kryesisë të vazhdojë punën pa media dhe pa prezencën e shoqërisë civile, ndërsa pas mbledhjes Veseli tha se do mbajë konferencë për media për të treguar vendimet e Kryesisë.