Mbyllet Samiti i Vjenës, Merkel: Emigrantët nga Ballkani nuk kanë asnjë shans për azil

Samiti i Vjenës është mbyllur me një konferencë të përbashkët të liderëve europianë. Në fjalën e saj në këtë konferencë, kancelarja Angela Merket e cilësoi të jashtëzakonshme situatën e emigrantëve në Europë, ndërsa shprehu keqardhjen për ngjarjen e ndodhur sot në Austri ku 50 emigrantë u gjetën të vdekur në një kamion. Merkel theksoi se është detyrim të mbështesim ata që duan ndihmë dhe se paqja duhet të materializohet në terren. Fatkeqësisht, tha Merkel, duhet t’u themi këtyre njerëzve që vijnë nga vende të Ballkanit për të kërkuar azil në vendet e BE, se nuk kanë asnjë shans ta përfitojnë, pasi azilin sipas saj do të fitojnë ata emigrantë që vijnë nga vendet e luftës, jeta e të cilëve është realisht në rrezik. Kancelarja gjermane vlerësoi rëndësinë e këtij samiti për të bashkëpunimin në rajon me projekte që sjellin shpresë për rajonin…