Media: ISIS-i mund të përdorë edhe virusin Ebola për atentate

Virusi i Ebolës mund të përdoret nga terroristët e ISIS-it për të sulmuar Perëndimin, del nga një numër dokumentesh, të cilave u referohet media britanike, lidhur me studimet e kryera nga kërkuesit e Ministrisë së Mbrojtjes, tetorin e kaluar.

Shkencëtarët kanë eksploruar mbi përdorimet e mundshme të virusit të Ebolës si armë kimike dhe kanë ngritur hipoteza mbi tre skenarë të mundshëm, por që nuk janë bërë publike.

Nga dokumentet sekrete del vetëm se kërkuesit britanikë të Mbrojtjes kanë analizuar tre tipe kërcënimesh, kimike, radiologjike dhe biologjike.

Megjithatë, ekspertët theksojnë se virusi i Ebolës nuk është i përshtatshëm për përdorim terrorist.

Ata thonë se terroristët duan armë që kanë efekt shkatërrues të menjëhershëm dhe jo Ebolën që përhapet shumë ngadalë./