MEI u heq licencën 40 karburanteve: S’kanë kapacitetit depozitues

Ministria e Energjisë dhe Industrisë ka hequr licencën 40 subjekteve të tregtimit me shumicë të produkteve të hidrokarbureve.

Sipas ministrisë, vendimi për revokimin është marr pas inspektimeve të kryera në këto subjekte.

Rezulton se ato kanë humbur kushtet e kapacitetit depozitues të hidrokarbureve, të përcaktuara në ligje dhe VKM.

Institucioni në fjalë shton, ky është një detyrim ligjor i përcaktuar nga ligji Nr. 8450 Dt. 24/02/1999 si dhe nuk kanë plotësuar detyrimet e përcaktuara nga VKM 970, dt. 02/12/2015 ashtu sikurse urdhrin e ministrit Nr.6 Dt.09.01.2015.