Meloni në vizitë të papritur në rajonin e Gjirit

Kryeministrja italiane Giorgia Meloni ka zhvilluar sot një vizitë të papritur në rajonin e Gjirit.

“Meloni mbërriti këtë pasdite në Arabinë Saudite”, raportoi sot agjencia italiane e lajmeve ANSA.

Vizita u mbajt e fshehtë deri në mbërritjen e saj për arsye sigurie. Meloni është liderja e parë e qeverisë perëndimore që viziton rajonin – që kur SHBA-ja dhe Izraeli nisën sulmet kundër Iranit në fund të shkurtit.

Përveç Arabisë Saudite, Emiratet e Bashkuara Arabe dhe Katari u përmendën si ndalesa të mëtejshme në udhëtimin e saj dyditor. Furnizimi me energji pritet të jetë ndër temat që do të dskutohen.

Ashtu si në shumë vende të tjera, në Itali ekziston një shqetësim i madh se furnizimet me energji mund reduktohen dhe çmimet mund të rriten edhe më tej nëse lufta vazhdon.

Meloni ka qenë në pushtet që nga tetori 2022 në një koalicion prej tre partish të krahut të djathtë dhe konservator

SHBA-ja dhe Izraeli kanë sulmuar Iranin që nga 28 shkurti, ndërsa Irani po kryen sulme hakmarrëse kundër Izraelit dhe vendeve në rajon që kanë prani ushtarake amerikane.

Irani pothuajse e ka bllokuar Ngushticën e Hormuzit, një kanal jetësor për transportin global të naftës, duke bërë që çmimet e energjisë të rriten në mbarë botën. //a.i/