Mesazhi i Ramës për 1 Maj: 79 096 të punësuar nga zyrat e punës

Duke uruar një 1 Maj të mbarë, kryeministri Edi Rama rikujton me një postim në rrjetet sociale se në 3 vitet e fundit janë punësuar 79 096 punëkërkues vetëm nga zyrat e punës, ndërkohë që aktualisht janë dhe 38 mijë vende të lira në dispozicion.

Ai sjell si shembull foton e një menaxhereje të punësuar në një nga hotelet më të mira në Tiranë përmes Zyrave të Punës.

“Iden Petraj besoi tek Shërbimi ynë Kombëtar i Punësimit, ku aplikoi dhe mori ofertën e përshtatshme vetëm një javë më pas”, shkruan Rama.

“Por, shumë më shumë mbetet ende për tu bërë për punësimin. Dhe shumë ka për të humbur nëse ndalemi sot”, përfundon mesazhi i tij.