Mesila Doda: T’u hiqen dekoratat xhelatëve të diktaturës

Deputetja Mesila Doda ka folur në lidhje me çështjen e medaljeve të nderit dhe dekoratave. Ajo ka kërkuar që të dënohen krimet e komunizmit si dhe të hiqen dekoratat për xhelatët e diktaturës.

“Në Shqipëri ne vuajmë nga pandëshkueshmëria. Dalin ende njerëz sot, të cilët kanë krime të kaluara e na tregojnë historitë e romancat e tyre politike”, tha Doda.

Gjithashtu deputetja Mesila Doda shtoi se po  vonohet qëllimisht kalimi në kuvend i ligjit, por u shpreh e vendosur se ky ligj do të kalojë.

“Vazhdojnë përpjekjet mjerane për ta ngecur ligjin pa e çuar në seancë plenare. E kanë të kotë, ky ligj do kalojë, le ta tregojnë para shqiptarëve nderimet që u bënë xhelatëve”, deklaroi ajo.

Mesila Doda nuk është më deputete e PD-së dhe shumë shpejt pritet të kalojë kryetare e grupit parlamentar të PDIU-së.