Meta : Dhjetëra mln euro që u shpenzuan për atë tallava, do kishin dyfishuar pensionet

Presidenti i Partisë së Lirisë Ilir Meta në një konferencë për shtyp tha se Konventa Zgjedhore do të jetë një shpërthim energjish dhe do të përfshijë në struktura të gjithë prurjet e reja dhe ato ekzistente që janë riaktivizuar.

“Beteja për Tiranën është beteja kundër plehrave, për mbrojtjen e mjedisit, hapësirave publike që kanë mbetur dhe beteja për përfshirjen e të rinjve në politike sepse e kanë të detyrueshme të jenë në politikë për ta bërë atë më të mirë”, tha ai.

Meta foli edhe në lidhje me vizitën e kryeministrit Edi Rama në Athinë ditën e djeshme.

Ai tha se me dhjetëra milionët të cilat u shpenzuan për organizimin e aktivitetit të djeshëm, mund të ishin dyfishuar pensionet.

“Regjim i kalbur dhe i korruptuar në palcë.

Të gjithë e dinë si administrata e bashkive të Rilindjes dhe administrata shtetërore. Duke shkulur administratën e për t’i dërguar atje.

I vetmi zhvillim pak pozitiv për ata shqiptarë që shkuan, ishin këngëtarët.

PL është për votën e diasporës, ka qenë edhe dje është edhe sot.

Ata e dinë shumë mirë se kush do ti rikthejë çunat e Londrës në vend.

Ajo tallavaja që ka kushtuar dhjetëra milion euro mund të ishin dyfishuar pensionet për të gjithë qarqet ku u shkulën patronazhistët e u dërguan atje”, tha Meta.