Meta: Më shumë mbështetje dhe kujdes për fëmijët me sindromën daun

Me rastin e festave të fundvitit, kryeparlamentari Ilir Meta priti të premten në ambientet e kryesisë së Kuvendit një grup fëmijësh me sindromën daun. Në fjalën e tij përshëndetëse, kreu i Kuvendit kërkoi më shumë vëmendje dhe kujdes për këtë kategori, të cilët siç tha Meta “kanë mjaft ëndrra dhe t’i mbështesim që t’i realizojnë ato’.

“Kujdesi ndaj fëmijëve dhe sidomos atyre që kanë nevojë për më shumë mbështetje, për më shumë dashuri, për më shumë integrim është një detyrë e pashmangshme dhe mjaft e domosdoshme për ne. Ndaj është e rëndësishme që jo vetëm të bëjmë ligje sa më të mira që garantojnë të drejtat e fëmijëve, por njëkohësisht të jemi sa më pranë të gjitha këtyre komuniteteve, për t’u njohur me problematikat e tyre dhe për t’i ndihmuar me të gjitha mundësitë tona edhe si parlament, edhe si qeveri, edhe si institucione”, u shpreh kryeparlamentari.

Më pas për fëmijët e pranishëm u shpërndanë dhurata.