MF: Të ardhurat në buxhet llogariten në masën 92,552 milionë lekë

Në fund të muajit mars të vitit 2016 të ardhurat në buxhet, llogariten në masën 92,552 milionë lekë, ose 1,851 milionë lekë më pak se planifikimi bënë të ditur për ATSH-në burime nga ministria e Financave. Sipas të dhënave për të njëjtën periudhë të vitit 2015 u mblodhën 87,019 milionë.

Qeveria planifikon që të ardhurat për vitin 2016 të arrijnë 418,894 milionë lekë. Të ardhurat në buxhet për vitin 2015 llogariten 378,473 milionë lekë.

Ndërkohë totali i shpenzimeve për tremujorin e parë të vitit llogariten 82,214 milionë lekë. Për këtë periudhë planifikohej të shpenzoheshin 92,948 milionë lekë, ndërsa për të gjithë vitin 2016 planifikohet të shpenzohen 453,324 milionë lekë.