Mikrofinancimi, një alternativë tjeter për fermerët

Mikrofinancimi është nje alternative tjeter ne ndihme fermerëve per fonde investimi ne sektorin rural. Në Shqipëri, mekanizmat e financimit per bujqesine janë në nivele me te ulët se në rajon, por vitet e fundit Qeveria po sheh me vemendje nxitjen e sherbimeve financiare per sektorin rural.

Ndërkohë që gjatë këtyre viteve të fundit, në Shqipëri sektori i mikrofinancës ka përjetuar një rritje të qëndrueshme. Institucionet e mikrofinancës kanë kredituar më shumë se 350.000 sipërmarrës të vegjël dhe familje në të gjithë Shqipërinë duke injektuar në ekonominë kombëtare mbi 1 miliard usd.

Eksperte te ketij segmenti financimi shprehen se,  tregu i mikrofinancës mbajti të njëjtin dinamikë rritje si në vitet e mëparshme. Sektori është rritur me 5.6% të portofolit të kredive dhe numrit i klientëve ka ardhur ne rritje.

Sipas statistikave zyrtare, niveli i kredituar gjatë vitit të kaluar nga institucionet e mikrofinancës në vend ishte 16 miliarde lekë. Mikrofinanca në Shqipëri fokusohet në sektorin bujqësor dhe ofron produkte kredie të dedikuara dhe të adaptuara ndaj karakteristikave dhe specifikave të këtij sektori, si sezonaliteti i prodhimit, apo cikli i biznesit. Ky sektor shtrihet në më shumë se 10% të popullsisë rurale nëpërmjet dhënies së kredive ndaj fermave të kategorizuara si mikro apo të vogla. Një nga avantazhet e institucioneve të mikrofinancës në Shqipëri është modeli i biznesit, i ndërtuar në mënyrë të atillë që të arrijë kompanitë e vogla, bizneset familjare apo fermerët në zonat më të thella, atje ku bankierët nuk kanë shkelur ende këmbë.