Ministri Cani: Stabiliteti financiar në vend është i sigurt

Ministri i Financave Shkëqim Cani dekaroi të premten se stabiliteti financiar në vend është i sigurtë. I pyetur nga mediat, lidhur me situatën financiare të vendit pas arrestimit mbrëmjen e 5 shtatorit të Guvernatorit të Bankës së Shqipërisë, Ardian Fullani, ministri Cani theksoi se stabiliteti financiar i vendit nuk varet nga një individ. Guvernatori i Bankës Qendrore të Shqipërisë, Ardian Fullani u arrestua të premten në mbrëmje në zyrën e tij me akuzat për shpërdorim detyre mbi vjedhjen e 713.000.000 lekë. Ndaj tij, prokuroria ka ngritur 5 akuza.