Ministri spanjoll, letër vlerësimi Tahirit: Shifra pozitive në luftën kundër narkotrafikut

Ministri i Brendshem i Spanjes, permes nje letre derguar homologut Tahiri, vlereson dhe përparimet e bëra në luftën kundër narkotrafikimit si dhe për heqjen e Shqipërisë nga lista e vendeve të origjinës së trafikut të narkotikëve.

Lajmin e ben me dije Ministria e Brendshme,

“Shifrat janë shumë pozitive, si për vendin tuaj ashtu edhe për Bashkimin Europian dhe jam i bindur që i përgjigjen një pune të strukturuar, serioze dhe këmbëngulëse, në një sektor kaq të rëndësishëm për sigurinë dhe stabilitetin e një vendi”, thuhet në një letër që ministri i Brendshëm i Spanjës, i ka dërguar ministrit Tahiri.

Ndërsa thekson se për Spanjën lufta kundër trafikut të drogave është një prioritet, ministri Jorge Fernandez Diaz përgëzon Ministrin Tahiri si dhe Qeverinë Shqiptare “për shifrat e jashtëzakonshme të konfiskimeve, arrestimeve dhe gjyqeve që rezultojnë me dënime, frut i operacioneve të Ministrisë së Brendshme dhe Policisë së Shtetit Shqiptar”.

Ministri spanjoll e mbyll letrën e tij duke shprehur dëshirën për t’u takuar personalisht me Ministrin e Punëve të Brendshme, Saimir Tahiri.