Miranda Kerr, në koleksionin e ri të “Royal Albert”

Projekti i fundit i modeles së famshme të “Victoria’s Secret”, është përfshirja në koleksionin e ri të filxhanëve të çajit “Royal Albert”.

Miranda Kerr, e ka nisur mjaft mirë vitin 2015, sepse vijon t’i shtojë biografisë së saj markat e mëdha me të cilat bashkëpunon. Viti i kaluar ka qenë shumë i mirë për supermodelen, e cila ka mbyllur marrëveshjet me markat më të mira si: “Reebok”, “H & M” dhe “Swarovski”.

Miranda tregon se ka kaluar shumë kohë me gjyshen e saj, e cila ishte e magjepsur me filxhanët “Royal Albert”. “Ndaj edhe kur “Royal Albert” m’u ofrua për këtë koleksion, mendova që ishte një mundësi e mrekullueshme”.

Detajet e preferuara për dizajnimin e këtyre filxhanëve janë trëndafilat me ngjyra të ndezura dhe fluturat, të cilat përfaqësojnë ndryshimet që duhet të përshkojnë jetën tonë. Po ashtu, ato janë simbol i besimit dhe gëzimit”, – shprehet Kerr.

Miranda tregon se çaji është i rëndësishëm për të, sepse e konsumon gjatë gjithë kohës, shkruan revistaclass. Edhe bimët e çajrave, Miranda i përdor në produktet e linjës së saj të bukurisë “Kora Organics”