Mitrovicë, hiqet sot sheshi ‘UÇK’

Shqiptarët e fshatit Suhodoll në veri të Mitrovicës kanë vendosur të largojnë nga rruga sheshin ‘UÇK’ në hyrje të këtij fshati, me qëllim të qetësimit të raporteve ndëretnike dhe krijimit të kushteve normale për qarkullim të automjeteve.

Largimi i këtij sheshi që ishte vendosur nga shqiptarët e kësaj pjese më 10 korrik 2014 si kundërpërgjigje ndaj barrikadës mbi urën kryesore të Ibrit nga ana e serbëve, do të bëhet sot rreth orës 14:00.

Pritet po ashtu që para gazetarëve përveç përfaqësuesve shqiptarë të Suhodollit të flas edhe kryetari i Mitrovicës Agim Bahtiri.