Moska: Marrëveshjet e paqes janë shkelur rëndomtë nga Kievi

Marrëveshjet e paqes për lindjen separatiste të Ukrainës janë shkelur rëndomtë nga Kievi, që në vend që të favorizojë uljen e tensioneve, ka intensifikuar operacionet ushtarake kundër rebelëve prorusë, akuzoi sot Ministria ruse e Punëve të Jashtme.

“Sot është e qartë që këto marrëveshje janë shkelur rëndomtë nga pala ukrainase. Në vend që të favorizojë uljen e tensioneve, Kievi ka përdorur në mënyrë intensive forcën ushtarake në juglindje të vendit, duke përdorur armë të rënda, kjo ka shkaktuar vdekjen e mijëra personave dhe shkatërrime masive”, njoftoi ministri në një komunikatë.

“Në vend që të zhvillohen reforma vërtetë kushtetuese dhe të vendosin një dialog me popullin e tyre, autoritetet ukrainase kanë marrë vendime të mjergullta që nuk të dërgojnë asgjëkundi, të dala nga premtime pa të ardhme”, vazhdohet në këtë komunikatë.

Moska bën aluzion mbi marrëvehsjet e Gjenevës që kishin mbledhur në prill SHBA-në, BE-në, Rusinë dhe Ukrainën.

Rusia vë në dyshim ecurinë e këtyre marrëveshje duke pasur parasysh sjlljen e Kievit dhe i këkron autoriteteve ukraianse të fillojnë duke hequr dorë nga përdorimi i forcës për të rimarrë kontrollin e territoreve nën kontroll separatist.

Moska i kërkon gjithashtu Kievit të fillojë një dialog kombëtar me përfaqësuesit prorusë në lindje të vendit.