MPB dhe Qeveria e Zvicrës nënshkruan marrëveshje bashkëpunimi për menaxhimin e migrimit

Ministria e Punëve të Brendshme e Republikës së Kosovës dhe  Departamentit Federal për Punë të Jashtme, i Qeverisë së Zvicrës, nënshkruan Marrëveshje bashkëpunimi për Projektin “Fuqizimi i Autoriteteve për Menaxhim të Migrimit në Kosovë”.

“Marrëveshja u nënshkrua në respektimin e parimeve demokratike, sundimin e ligjit, të drejtat e njeriut dhe liritë themelore, të përcaktuara në mënyrë të veçantë me Deklaratën Universale të të Drejtave të Njeriut, që frymëzojnë politikën e brendshme dhe të jashtme të të dy palëve dhe përbëjnë një element thelbësor në mënyrë të barabartë me objektivat e kësaj Marrëveshjeje të Projektit. Ministria e Punëve të Brendshme e Qeverisë së Republikës së Kosovës dhe Departamenti Federal për Punë të Jashtme i Qeverisë së Zvicrës, duke vepruar përmes Agjencisë Zvicerane për Zhvillim dhe Bashkëpunim, kanë rënë dakord mbi termat dhe kushtet e përcaktuara”, thuhet në njoftim.