Mustafa: Presidenti zgjedhet gjatë shkurtit

Presidenti i vendit do të zgjedhet në muajin shkurt, mirëpo ende nuk është caktuar data konkrete. Kështu tha kryeministri i Kosovës, Isa Mustafa pas një takimi që pati me përfaqësues të Këshillit Qendror të Veprimit Rinor.

Kryeministri Mustafa, gjithashtu tha se në këtë takim u bisedua për problemet me të cilat përballen të rinjtë në fushën e shkollimit, punësimit dhe në fusha të tjera.

Sipas tij, këto takime si ky me këtë këshill nuk janë për të bindur që mos ta dalin në protesta të organizuara nga opozita, transmeton kp.

Ndërsa, Vesa Ibrahimi nga KQVR, tha se gjatë takimit me kryeministrin është kërkuar që të ndihmohen të rinjtë edhe në fushën e praktikës profesionale, si dhe të bëhet e mundur që buxheti për këshillat e rinj lokal të mos jetë vetëm katër ose gjashtë muaj, por për një periudhë më të gjatë.