Mustafa: Të respektohet vendimi i Kushtetueses

Kryeministri i Kosovës, Isa Mustafa ka ftuar gjithë spektrin politik, përfshirë partitë opozitare që të respektojnë vendimin e Gjykatës Kushtetuese për Asociacionin e Komunave Serbe.

Vendimi sipas Mustafës, ishte në përputhje edhe me vetë marrëveshjen e parimeve, ku ishte parashikuar tekstualisht që e njëjta të shqyrtohet nga ana e Gjykatës Kushtetuese, “si tani në fazën e parimeve të përgjithshme, ashtu edhe të ndryshimeve statutore më vonë”.

“Qeveria konsideron se është jetike për vendin që të përmbushen kërkesat ligjore dhe që të gjithë aktorët politikë t’i rikthehen jetës institucionale dhe debateve politike, të cilat duhet të zhvillohen brenda instituxioneve, në radhë të parë brenda Kuvendit të Kosovës”, ka thënë Mustafa.