Ndërtimet tek diga e Liqenit, Veliaj në protestë me qytetarët para gjykatës

Në pritje të vendimit të Gjykatës Administrative të Apelit lidhur me ndërtimin ose jo të një kompleksi pallatesh tek diga e liqenit, qytetarë të shumta i janë përgjigjur pozitivisht ftesës së Kryetarit të Bashkisë së Tiranës për të protestuar para Gjykatës Administrative të Apelit, tek zona e rrugës së Durrës.

Në protestë Veliaj tha se “kjo nuk është gjykatë por markatë sepse drejtësia ka dalë në ankand. Ai që ofron më shumë merr produktin”.

Kreu i bashkisë së Tiranës, Erion Veliaj kërkon anulimin e vendimit për ndërtimin e këtij pallati dhe akuzon gjyqtarët se janë të lidhur me ndërtuesit. “300 vetë nëpërkëmbin 3 milionë vetë. Sot i kërkoj  gjykatëve të diskretituar të kushërinjve të betonit të japë dorëheqjen ndërsa gjykatësit e pakorruptuar të japin drejtësi”, tha Kryebashkiaku i Tiranës.

Ai tha se Tirana nuk mund të dëmtohet nga një person që kërkon të fitojë miliona euro në kurriz të kryeqytetit. “Ne duam drejtësi. Duam të zbatohet vendimi i Komitetit të Digave, që ka kërkuar ndalimin e punimeve, pasi në të kundërt Tirana do të rrezikohet nga përmbytjet. Ne duam drejtësi. Nëse gjyqtarët nuk japin drejtësi ne do jemi këtu deri sa togat e zeza të përballen me gjyqin popullor”, tha Veliaj.

Ai akuzoi edhe Këshillin e Lartë të Drejtësisë, si të përfshirë në lodrën politike të shitblerjes. “KLD të mos bëjë lodrën e politikës. Duam drejtësi”, tha Veliaj, duke iu bashkuar protestës tek gjykata administrative

Më herët Veliaj kërkojë ndryshimin e trupës gjyqësore