Në 13 nëntor në 07:19, një objekt misterioz do të bjerë në Tokë

Diçka do të bjerë pikiatë në Tokë në datën 13 nëntor dhe bëhet fjalë për një objekt me dimensione të vogla (rreth dy metra) dhe me siguri është i destinuar të shpërbëhet në atmosferë pa arritur asnjëherë të prekë sipërfaqen e planetit tonë.

Megjithatë, WT1190F (që është sigla e atribuuar këtij objekti të ri), është vëzhguar për herë të parë nga “Catalina Sky Survey” në shkurt 2013 dhe deri tani nuk dihet akoma se çfarë është. Nuk bëhet fjalë për një asteroid, sepse densiteti i tij është shumë i ulët dhe mund të jetë “mbetje hapësinore”, si për shembull përbërësi i një rakete të lëshuar disa vite më parë që më pas ka qëndruar në orbitë rreth Tokës.

Ekspertët e “Neo Coordination Centre”, kanë përllogaritur se objekti që zotëron një orbitë shumë ekscentrike dhe bën një revolucion çdo tre javë.

WT1190F tani është i destinuar të bjerë drejt Tokës, por nga Instituti Hapësinor Ndërkombëtar, sigurojnë që nuk ka rreziqe për popullatën. Çfarëdo që të mbesë nga objekti, në të vërtetë “do të bjerë mbi oqean rreth 100 kilometra nga brigjet perëndimore të Sri Lankës”.

Përfshirja në atmosferë është parashikuar për në orën 07:19 me orën tonë, 11:49 me orën lokale.

Masa e saj nuk është e mjaftueshme për të përfaqësuar rreziqe, por do të jetë sigurisht një spektakël për të mos u humbur, sepse për disa sekonda, mund të shijohet një “show” me top zjarri  në qiell që në mëngjes.