Në Suboticë ndalohen 18 kosovarë për kalim ilegal të kufirit

Policia kufitare e Serbisë ka ndaluar 18 kosovarë të cilët tentonin ilegalisht ta kalonin kufirin nga Subotica në Hungari.

Sipas mediave serbe përveç kësaj janë arrestuar edhe katër persona nga Subotica dhe Prizreni për kontrabandë me qenie njerëzore.

Siç thuhet në njoftimin e gjykatës themelore në Suboticë, policia kufitare i kanë zbuluar të fshehur në tri vetura afër kufirit.

Thuhet se në njërën makinë që shërbente si taksi të cilën e drejtonte M.S nga Subotica ishin fshehur nëntë persona nga Kosova.

Ndërsa në makinën që e drejtonte i dyshuari T.V po ashtu nga Subotica janë gjetur katër emigrant nga Kosova ndërsa në atë që e drejtonte B.M nga Subotica janë gjetur pesë emigrant ilegalë po ashtu nga Kosova, transmeton KP.

Bashkë me katër të dyshuarit nga Subotica siç thuhet nga prokuroria në organizim të kontrabandimit me njerëz ka marrë pjesë edhe D.I nga Prizreni.

Kundër të dyshuarve Prokuroria Themelore në Suboticë ka ngritur kallëzim penal për kalim ilegal të kufirit dhe trafikimi me njerëz ndërkohë që dy të dyshuar janë dërguar në paraburgim për 30 ditë.