Ngjarja në Francë- Thaçi: Jemi me popullin francez gjithmonë

Presidenti i Kosovës, Hashim Thaçi, deklaroi të premten se “tmerret si ai i mbrëmshmi në Nisë na lëndojnë zemrën, por nuk e lëkundin përkushtimin tonë për liri, barazi dhe vëllazëri, kudo në botë”.

Në një postim në rrjetin social Facebook, Thaçi thekson se “jemi me popullin francez gjithmonë, e sidomos në kohët e vështira. I shprehim ngushëllimet më të thella. Mendjet dhe zemrat tona janë me familjet e viktimave dhe me të gjithë ata që janë prekur. Besojmë në forcën e popullit francez, në forcën e të gjithë popujve paqedashës, që do të ngadhënjejmë mbi dhunën dhe terrorin”.