Nishani, bisedë telefonike me Jahagën: MSA, mbështetje për institucionet e Kosovës

Presidenti Bujar Nishani ka uruar në një bisedë telefonike homologen e tij kosovare, Atifete Jahjaga për nënshkrimin e MSA-së mes Kosovës dhe Bashkimit Europian.

“Nënshkrimi i kësaj marrëveshjeje është një mbështetje dhe shprehje e fuqishme e besimit europian ndaj institucioneve të Kosovës, një gurthemeli për integrimin e përparimin e mëtejshëm të saj në strukturat europiane e euro-atlantike”, shprehet kreu i shtetit shqiptar.

Nishani e cilëson një lajm të shkëlqyer për gjithë rajonin, për të ardhmen e përbashkët europiane si dhe për paqen dhe stabilitetin në Ballkanin Perëndimor.