Nisja nga Bejruti për Tiranë i 19 grave dhe fëmijëve të shpëtuar nga Siria
19 fëmijë dhe gra shqiptare të nxjerrë nga kampi Roj në Siri janë nisur nga aeroporti i Bejrutit për në Shqipëri me një Charter të paguar nga qeveria shqiptare.
Në pamje duket se të gjithë janë në gjendje të mirë shëndetësore, ndërsa bëhet me dije se përpara nisjes nga Siria ata janë testuar për Covid19.
Në aeroportin e Libanit ishte për t’i pritur ministri punëve të brendshme Bledi Çuçi.
“Sot është një ditë e mirë. Do të bëjmë të gjitha përpjekjet për të sjellë edhe shqiptarin e fundit nga Siria”, deklaroi ai.
Pas një qëndrimi disa orësh në Liban ata u nisën drejt Tiranës.
Ja lista e plotë të 19 personave por për arsye etike dhe privacie ka vendosur mos t’i publikojë emrat e plotë.
Drejt Tiranës
B.K nga Tirana me 5 fëmijë.
E.V nga Dibra me 4 fëmijë.
L.K nga Tirana me 2 fëmijë
K.Z nga Tirana me 3 fëmijë
R. B nga Librazhdi
Në Sirinë veriore për t’i marrë shkuan Marc Ghorayeb këshilltar jo rezident i kryeministrit Edi Rama në Lindjen e Mesme bashkë me Gledis Nano drejtor i antiterrorit shqiptar dhe kolegun Indrit Doda.
Pak përpara nisjes fillimisht në Damask, ata patën një konferencë për shtyp me autoritet kurde të qeverisjes vendore.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.