Një deputet arrestohet me dyshimin për abuzim me pushtetin
Zëdhënësi dhe deputeti i Partisë Socialdemokrate (PSD) në pushtet në Rumani u akuzua për abuzim me pushtetin, një tjetër pengesë për partinë e kryeministrit Victor Ponta, 10 ditë para zgjedhjeve presidenciale.
”Dan Sova akuzohet se ka premtuar të ndërhyjë tek ministri i Drejtësisë për ta bindur që të hartonte një projektligj që parashikonte amnistinë dhe faljen për disa raste korrupsioni”, njoftoi prokuroria antikorrupsion (DNA) dje në mbrëmje.
Sipas DNA-së, një projekt i tillë do t’i mundësonte dy deputetëve të PSD-s, njëri i dënuar së fundmi për korrupsion dhe tjetri nën hetim për abuzim me pushtetin, që të shpëtonin nga burgu.
Kjo çështje e re vjen vetëm disa ditë pas dënimit të tre deputetëve të PSD-së, përfshirë vjehrrin e kryeministrit Victor Ponta, për abuzim me pushtetin, në një hetim që kishte të bënte me marrjen ilegalisht të 43 mijë hektarë pyll me një vlerë prej 303 milionë euro.
