Një film për dashurinë e çiftit Obama

Historia e dashurisë mes Barack Obamës dhe Michelle Robinson do të bëhet film. Gjithçka do të nisë nga një lagje e Çikagos, vendi ku çifti shkëmbeu puthjen e parë.
Filmi fokusohet në një ditë të vitit 1989, kur Barack, një student i ligjit, vendosi të bëjë për vete Michellen, që më vonë u bë gruaja e tij.

Filmi është shkruar nga Richard Tanne. Roli i Michelles do t’i besohet Tika Sumpter, ndërsa për rolin e Barack ende nuk është gjetur kandidati i duhur. Xhirimet do të nisin vitin e ardhshëm.