Obama fillon turin aziatik nga Pekini

Presidenti amerikan Barack Obama mbërriti sot në mëngjes në Pekin, etapa e parë e një turi aziatik që do të dominohet nga një seri takimesh me homologun e tij Xi Jinping, si dhe vizita gjithashtu në Birmani dhe Australi.

Presidenti amerikan u prit kur zbriti nga avioni nga kryeministri kinez i Punëve të Jashtme, Wang Yi, dhe qielli ishte krejtësisht i pastër. Kryeqyteti kinez, që zakonisht mbulohet nga një mjegull e errët nga ndotja atmosferike, morri masa drakoniane për të larguar këtë smog para se të fillojë mbledhja Azi-Paqësor (APEC).

Gjatë takimit të tij të parë me presidentin e ri indonezian, Joko Widodo, Obama përshëndeti rolin e Indonezisë në luftën kundër ekstremizmit fetar.

“Indonezia, që është një nga demokracitë më të mëdha në botë dhe ku banon një komunitet shumë i madh mysliman, luajti një rol të jashtëzakonshëm në promovimin e pluralizmit dhe të respektit të diversitetit fetar”, theksoi ai.

Obama, që ka kaluar një pjesë të fëmijërisë së tij në Indonezi, ftoi homologun e tij në Uashington, duke theksuar që SHBA-ja synon të jetë një partëner i fuqishëm për këtë vend.