Obama merr miratimin e Kongresit kundër xhihadistëve

Plani i presidentit amerikan Barack Obama për të armatosur rebelët sirianë mori dje në mbrëmje miratimin e Kongresit amerikan, ndërkohë që ushtria irakiane e mbështetur nga avionët amerikanë luftoi kundër xhihadistëve të Shtetit Islamik (ISIS) pranë Bagdadit.

Dhoma e Përfaqësuesëve e dominuar nga republikanët e mbështeti në kohë rekord planin për armatim dhe përgatitje të grupeve rebele siriane të moderuara, që do të kryejnë ofensivën tokësore kundër ISIS-it në Siri. Ky plan pritet tashmë të miratohet nesër nga Senati.

Kongresi autorizoi Barack Obamën të fillojë planin e tij ambicoz për të ndihmuar rebelët sirianë, rreth katër muaj pasi presidenti kishte premtuar një mbështetje të konsiderueshme për opozitës siriane.

Por presidenti amerikan, që vajti dje në shtabin e përgjithshëm të Komandës Qendrore për Lindjen e Mesme dhe për Azinë Qendrorem, në Florida, përsëriti se nuk do të dërgojë ushtarë amerikanë të luftojnë në terren