OSHEE: Avari në nënstacionin e Karbit, disa zona në Tiranë pa energji elektrike
Operatori i Shpërndarjes së Energjisë Elektrike njofton se sot ka ndodhur një avari në nënstacionin e Karbit, e për pasojë kanë mbetur pa energji disa zona të Tiranës.
Si pasojë e avarisë, gjatë ditës së sotme do të ketë kufizime të energjisë elektrike në disa zona të Tiranës si: Rr ‘’ Siri Kodra ‘’ (pjesërisht) ; Rr ‘’ 5 Maji‘’ (pjesërisht) ; Rr ‘ Bardhyl ‘’ (pjesërisht) ; Rr ‘’ Dibrës‘’ (një pjesë) ; Rr ‘’ 4 Dëshmorët ‘’ ; Rr ‘’ Agllai Taka ‘’ ; Zona Babrru (pjesërish); Subjekti ‘’Bojra’’.
Brigada e avarive, sipas OSHEE-së, po punon për elemininin e defektit dhe rikthimin e energjisë sa më parë tek abonentët. OSHEE bëri të ditur se avaria vjen edhe për shkak të amortizimit të linjave, ndërsa siguron se kompania po kryen investime për përmirësimin e rrjetit.
