Padia për tubimin e bashkisë, prokuroria kërkon informacione nga policia për lejen

Prokuroria e Tiranës i ka kërkuar zyrtarisht drejtorisë së policisë së qarkut, nëse ka dhënë ose jo leje, organizatorëve të tubimit përpara gjykatës së Apelit administrativ, disa ditë më parë, ku u protestua nga kryetari i bashkisë së Tiranës Erion Veliaj dhe qindra mbështetësve të tjerë, kundër ndërtimit të disa kullave shumëkatëshe pranë diges së liqenit artificial.

Vetëm pasi prokuroria e Tiranës të ketë marrë dokumentacionin e plotë mbi këtë tubim, do të vijojë më pas me pyetjen e personave që janë identifikuar nga kamerat e mediave që pasqyruan turbimin në fjalë. Hetimet për këtë tubim nisen një ditë më parë, nga prokuroria e Tiranës, ndërsa ka patur reagime të ndryshme mbi presionin që po i bëhet gjyqësorit në vend.