Papa Françesku pret Ban Ki-Moon në kuadër të një konference për mbrojtjen e mjedisit
Papa Françesku priti sot sekretarin e përgjithshëm të OKB-së, Ban Ki-Moon, në kuadër të një konference shkencore për mbrojtjen e mjedisit, organizuar në Vatikan, njoftoi shërbimi i shtypit të Selisë së Shenjtë.
”Ban Ki-moon dhe papa Françesku zhvilluan një takim privat për një gjysmë ore para fillimit të konferencës”, sipas Ciro Benedettini, zëvendësdrejtor i sallës së shtypit në Vatikan, i cili nuk ka dhënë detaje për temat e diskutuara.
“Papa Françesku dhe unë zhvilluam një bisedë shumë të gjerë dhe frytdhënëse”, theksoi Ban në hapje të konferencës “Mbrojtja e planetit”, organizuar nga Akademia papnore e Shkencave.
“Shkenca dhe feja nuk janë kundër për ndryshimet klimatike”, shtoi ai duke përshëndetur përpjekjet e papës dhe Kishës për të tërhequr vemendjen mbi nevojën urgjente përsa i përket promovimit të një zhvillimi afatgjatë.
