PD-Boçi: Qeveria mbron administratorët që vjedhin energjinë dhe ndëshkon të pamundurit

Partia Demokratike ka akuzuar sërisht qeverinë se po mbron vjedhësit e energjisë elektrike, duke vënë në shënjëstër administratorët e energjisë e lektrike, ku sipas saj ata janë vjedhësit real dhe mbrohen nga qeveria.

Deklarata erdhi sot nga deputeti Luciona Boçi i cili denoncoi faktin se “drejtori i emëruar nga Rama në krye të OSHEE në Lushnje, që ka abuzuar me biznesin e tij, me 1 milionë e 600 mijë lekë energji të papaguar, vazhdon të jetë në detyrë, nërsa të  pamundurit, ata që nuk paguajnë dot 10 mijë lekë drita se nuk kanë punë, se nuk kanë mundësi të ushqejnë fëmijët, kjo qeveri i çon në burg”.

“Nuk ka reforma, por represion për qytetarët dhe favore për hajdutët dhe shkelësit e ligjit. Nuk ka shtet ligjor, por pashallëk të Ramës që i ndan shqiptarët në të nënës dhe të njerkës.Ndaj shqiptarët janë të revoltuar. Ndaj protesta nuk do të ndalet”, tha Boçi.