Partia Demokratike reagoi kundër anëtarit të Gjykatës së Lartë, Ardian Dvorani i cili pritet të rikonfirmohet në detyrë.
Pas përfundimit të seancës dëgjimore për gjyqtarin në KPK, deputeti Gent Strazimiri, tha se gjyqtarit në fjalë i ka mbaruar mandati si anëtar në Gjykatën e Lartë dhe se është i vetmi gjyqtar që nuk zbaton vendimet e Kushtetueses.
“KPK duhet ta shkarkonte që sot Ardian Dvoranin, sepse është i vetmi gjyqtar i Republikës së Shqipërisë që nuk zbaton vendimet e Gjykatës Kushtetuese. Mandati i Dvoranit si anëtar i Gjykatës së Lartë ka përfunduar katër vjet më parë dhe Gjykata Kushtetuese me një vendim të posaçëm urdhëroi mbarimin e mandatit të tij. Një vendim ky që sot e kësaj dite nuk është zbatuar nga anëtari i Gjykatës së Lartë Ardian Dvorani të cilin Edi Rama po e përgatit ta emërojë anëtar të Gjykatës Kushtetuese njësoj si Fehmi Avdiun në vitin 1998”, -u shpreh Strazimiri në një deklaratë për median.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.