PD, Paloka: Rama, krim federal në SHBA me paratë e drogës

Partia Demokratike u është rikthyer këtë të premte akuzave ndaj kryeministrit lidhur me financimin e fotos me presidentin amerikan Barack Obama ku ishte në opozitë.

“Edi Rama ka detyrimin të bëjë transparencë nga dolën paratë. Dyshimet janë për para droge apo nga aktivitet kriminal”, ka deklaruar nënkryetari i PD, Edi Paloka.

Ai ka theksuar se, “nëse janë para droge apo trafiqesh, atëherë kemi të bëjmë me një krim edhe më të madh”.

“Nga vijnë këto para? Kush është burimi? Kush është donatori i Edi Ramës? Edi Rama financoi një krim federal me paratë e pista të krimit”, ka thënë më tej Paloka.