PD publikon videon: PS dhe LSI mbushën mbushën kutinë e votimit në Shkodër

Partia Demokratike ka publikuar një video, ku denoncon manipulimin e zgjedhjeve në Komunën Pult në Shkodër. Deputeti Eduard Halimi ka thënë se me këtë akt të pashembullt, u shkatërrua procesi dhe standardi i zgjedhjeve.

Sipas Halimit, kutia e votimit u tejmbush nga komisionerët e Partisë Socialiste dhe të LSI-së. “Në kuti u gjetën 388 fletë votimi, ndërkohë që votuan 377 persona, – tha Halimi. – Shkalla e manipulimit është e lartë. Komisionerët e Partisë Demokratike u nxorën me forcë nga Qendra e Votimit. Rezultati për këtë QV është, Bazhdari 301 vota, ose 88%, për kandidatin e pavarur 2%, ndërsa për kandidaten fituese 44%. PD-ja i bën thirrje Prokurorisë të nisë menjëherë hetimet për këtë ngjarje të shëmuar dhe i bën thirrje dyshes qeverisëse Rama-Meta të pranojnë manipulimin e zgjedhjeve përpara përfaqësuesve të OSBE-ODIHR”, – shtoi Halimi.