Pekini përkrah autoritetet e Hong Kongut kundër manifestimit për reforma demokratike

Pekini garantoi sot qeverinë e Hong Kongut me mbështetjen e tij të plotë në drejtimin e manifetimit “të paligjshëm” në ish-koloninë britanike.

“Ne mbështesim plotësisht qeverinë e rajonit autonom të Hong Kongut për të trajtuar problemin e aktiviteteve të jashtligjshme të lidhura me manifestimet”, deklaroi zëdhënësja e kineze e diplomacisë, Hua Chunying.

Pozicionimi i Pekinit erdhi pasi shefi i ekzekutivit të Hong Kongut, Leung Chun-ying, kërkoi sot ndërprerjen e mënjëhershme të manifestimeve.

Manifestuesit prodemokraci janë betuar se do të mbajnë të bllokuar zemrën e qytetit deri sa Pekini të mundësojë reformat politike të premtuara pas marrjes nga Kina të ish-kolonisë britanike në vitin 1997.

Manifestuesit u ngritën kundër vendimit të Pekinit, të shpallur në gusht, për të mundësuar zgjedhjen e shefit të ekzekutivit në vitin 2017 me votim popullor për duke mbajtur nën kontroll kandidaturat.

Londra bën thirrje për hapjen e bisedimeve konstruktive dhe Uashingtoni i kërkon autoriteteve dhe manifestuesve të përmbahen.

Pekini përballet në Hong Kong me valën më të fuqishme kontestuese që prej kalimit të kolonisë britanike nën autoritetin e Kinës në vitin 1997