Për herë të parë gara ndërkombëtare e velierave përfshin Sarandën

Në fundjavë,  në portin e Sarandës u organizua për herë të parë gara ndërkombëtare e velierave me emrin “Jonian Races”. Kjo garë, sivjet përrfshiu edhe  Sarandën. Gara nisi në ishullin e Korfuzit dhe finishi i saj ishte Gjiri i Sarandës. Deri në vitin 2014 finish i kësaj gare ishte një nga ishujt e Greqisë, ndërsa për herë të parë këtë vit gara u mbyll në portin e Sarandës, tek fanari i parë.

Pjesëmarrëse në garën e sivjetëme  ishin 17 veliera.
Në pritjen e velierave garuese ishin zyrtarë të ministrisë së Turizmit dhe Zhvillimit Urban, Nënkryetari i Bashkisë së Sarandës, Jorgo Mitro, përfaqësues të shoqatës së velierave të Jonit, Arben Çipa, administrator i kompanisë “Sipa Tours” dhe përfaqësues të medias.
Garuesit i shoqëruan  edhe studentë nga ishulli i Korfuzit, në cilësinë e përcjellësve të këtij sporti tradicional nga ishulli helen.
Pjesë e ceremonive për eventin, ishte dhënia e tre çmimeve për fituesit e tre vendeve të para. Kjo ceremoni u organizua në pikën turistike të Kalasë së Lëkurësit. Për fituesit e vendeve të para në këtë garë u dorëzuan tre çmime.

Çmimi i parë u dha nga Agjencia Kombëtare e Turizmit. Çmimi i dytë u dorëzua nga zevendëskryetari i Bashkisë Sarandë, Jorgo Mitro dhe çmimi i tretë nga administratori i Kompanisë “Sipa Tours”, Arben Çipa.
Edicioni i parë i kësaj gare në Sarandë ishte premtues për përfshirjen e Shqipërisë në axhendën e përvitshme të organizimit të këtij eventi.
Nëpërmjet saj synohet përcjellja e kësaj kulture të re sportive tek qyteti i Sarandës dhe në turizmin shqiptar