Pezullimi i Çakos, Tahiri: Për të penguar reformën në drejtësi

Ministri i Brendshëm, Saimir Tahiri u shpreh i bindur se drejtori i Përgjithshëm i Policisë së Shtetit, Haki Çako dhe dy efektivët e tjerë, të akuzuar nga Prokuroria për shpërdorim detyre në lidhje me pajisjen e përgjimit.

Tahiri tha se Çako dhe dy efektivët nuk kanë shkelur ligjin në asnjë moment dhe se nuk ka patur përgjime, ndërsa deklaroi mbështetjen e tij dhe të Kryeministrit Rama për drejtorin e Përgjitshhëm të Policisë, i pezulluar tashmë.

Ai la të kuptohej se vendimi për pezullimin e Çakos është korruptiv, abuziv dhe me një qëllim të vetëm, të pengohet reforma në drejtësi.

“Edhe sistemet më të korruptuara dhe instancat më të korruptuara në sistemet gjyqësore nuk do të guxonin kurrë që të shkonin deri këtu për të penguar reformën në drejtësi. Opozita sot bashkë me frontin e së keqes nuk e do reformën në drejtësi”, tha ai.