Plani 1 miliard euro, Rama takon përfaqësuesen e Bankës Botërore

Kryeministri Rama ka zhvilluar mëngjesin e sotëm një takim me përfaqësuesen e Bankës Botërore, Tahsem Sayed, e cila mbyll sot misionin e saj në vendin tonë  dhe përfaqësues të Bankave të nivelit të dytë.

Takimi është zhvilluar në ambientet e vilës qeveritare numër 30 mëngjesin e sotëm.

Kryeministri i Shqipërisë Edi Rama ishte i shoqëruar nga ministri i Financave Arben Ahmetaj.

Temë e bisedimeve mësohet se ka qenë situata ekonomike në vend dhe konkretisht plani i qeverisë për investime në masën 1 miliard euro, që qeveria e ka bërë publike pak kohë më parë.

Kryeministri Rama ka deklaruar se qeveria ka një plan investimesh prej 1 miliard euro në 3 vitet e ardhshme.

Këto investime mund të nxisin rritjen ekonomike në mbi 6 për qind.