Plazh publik me erë fekalesh

Drimadha po lulëzon nga banesa të bukura të vëndasve si dhe nga hotelet e reja shumë të bukura. Sipërfaqen më të madhe të plazhit e kanë zënë çadrat dhe tendat e hoteleve, megjithatë edhe për plazhin publik është lënë një sipërfaqe e mjaftueshme. Ndërsa te zona e hoteleve ka rregull e pastërti, plazhi publik është lënë si në kohën e Mesjetës. Në të lejohen të vihen tenda dhe të parkojnë makina-shtëpi lëvizëse, shumica me targa të huaja. Ato të gjitha kanë edhe WC dhe nuk ndosin mjedisin. Dëmin e sjellin tendat ose çadrat jo të pakta të turistëve, shumica shqiptarë.. Ato nuk janë vetëm për hije gjatë ditës. Në to këta lloj turistësh flejnë. Duke mos patur plazhi publik WC, as dhe një çezmë ose dush, lind pyetja se ku këta njerëz kryejnë nevojat personale? Doemos në zallishten e atjeshme ose edhe në det. Kjo është arësyeja që në këtë plazh publik bije erë fekalesh. Është absurde që kryeministri të merret edhe me këtë, kur si Bashkia e Himarës, ajo e Vlorës dhe Ministria e Turizmit e Ambentit e kanë lënë  plazhin  publik si mall pa zot. Në zallishte do të gjesh edhe gjurmët e zjarreve që turistët ndezin gjatë natës, qoftë për të fërguar ndonjë peshk. Të mos harrojmë se në Drimadhë turizmi familjar është shumë i zhvilluar. Kjo është arsyeja që në plazhin publik dëgjon të fliten shumë gjuh