Po forcohen kundërshtimet për ndryshim në udhëheqjen e Turqisë

Turqia është e kërcënuar nga ndarja, në qoftë se nuk aplikon sistemin presidencial të udhëheqjes, deklaroi Kryeministri i vendit Binali Jëldërëm në përgjigje të paralajmërimeve nga opozita se ndryshimi në sistemin administrativ mund të shkaktojë ndarje të shtetit. Debatet rreth kësaj çështjeje u forcuan pasi u kuptua se Presidentit Erdogan i është paraqitur një projekt për ndryshime në Kushtetutë. Dokumenti përfshin 30 pika, të cilat kanë të bëjnë me aplikimin e sistemit presidencial dhe të drejtat e zgjeruara të kreut të shtetit.