Policët e Inkriminuar, Tahiri i përgjigjet Bashës: Të shkojë në prokurori

Ministri i Punëve të Brendshme i është përgjigjur, Kryetarit të Partisë Demokratike, Lulzim Basha lidhur me akuzën se disa punonjës të policisë janë të inkriminuar, duke i kërkuar t’i denoncojë nëse ka prova .

Sipas Ministrit Tahiri është koha që politika të bëhet serioze dhe jo të merret me fjalë pazari për të mbushur studiot televizive.

“Duhet të jemi sa më serioze. Nëse ka prova e ftoj të denoncojë tek organet kompetente. Unë skam kohë të merrem me këto fjalë pazari”, tha Tahiri, gjatë një prononcimi për mediat.

Kryetari PD, Basha deklaroi një ditë më parë se disponon të paktën 30 emra punonjësish policisë të nivelit të lartë të përfshirë apo të lidhur me krimin.