Policia arreston tetë të dyshuar xhihadistë

Tetë persona të dyshuar se bënin pjesë në një rrjet xhihadist, u arrestuan sot paradite në Spanjë, gjatë një operacioni të organizuar nga policia në shumë rajone të vendit, deklaroi Ministria e Brendshme spanjolle.

Sipas ministrisë, të dyshuarit u akuzuan për ideim të akteve terroriste në Spanjë dhe për rekrutim të kandidatëve për xhihadistë në Siri dhe Irak.

Operacionet u zhvilluan veçanërisht në Barcelonë, Gironë, Ciudad Real dhe në Avila.

Ministria bëri me dije, në janar, se forcat e rendit kishin arrestuar 50 persona për shkak të dyshimeve për lidhje me terrorizmin xhihadist.