Policia: Ja masat për sigurimin e rendit e qetësisë para, gjatë e pas protestës së PD-së
Drejtoria e Policisë së Qarkut Tiranë ka marrë të gjitha masat për rendin e sigurinë per zhvillimin normal të marshimit protestë, të subjektit politik Partia Demokratike e Shqipërisë.
Sa sipër, ditën e nesërme, datë 22 nëntor 2014, duke filluar nga ora 10.00 nuk do të lejohet parkimi i automjeteve në sheshin “Skënderbej”, Bulevardin “Dëshmorët e Kombit” dhe në sheshin “Nënë Tereza” Tiranë.
Do të bllokohet totalisht qarkullimi i mjeteve duke filluar nga 11.00 deri në orën 16.00 të ditës së nesërme dhe nuk do të lejohet parkimi në sheshin “Skëndërbej”, Bulevardin “Dëshmorët e Kombit”, sheshin “Nënë Tereza” si dhe Sheshin “Italia”.
Policia e kryeqytetit ka marrë të gjitha masat për zhvillimin normal të marshim – protestës para, gjatë dhe në përfundim të këtij aktiviteti politik.
