Presidenti Thaçi, të hënën vizitë zyrtare në Tiranë

Presidenti i Republikës së Kosovës, Hashim Thaçi, do të vizitojë zyrtarisht Shqipërinë.

Në Tiranë, të hënën dhe të martën, Thaçi pritet të takohet me krerët e shtetit, që nga homologu i tij Bujar Nishani, kryeparlamentari Ilir Meta dhe kryeministri Edi Rama, e deri te lideri i Partisë Demokratike, Lulëzim Basha dhe kryebashkiaku Veliaj.

Gjatë qëndrimit në Shqipëri, presidenti Thaçi pritet të vizitojë edhe familjen e shkrimtarit Dritero Agolli, si dhe të bëjë vizita të tjera nëpër monumente të ndryshme, jo vetëm në Tiranë, por edhe në vende të tjera.

Gjithashtu, presidenti Thaçi pritet të vizitojë edhe djemtë e kombëtares së Kosovës në Bushat, të cilët pas disa ditësh do të luajnë me kombëtaren kroate atje.

Vizita zyrtare e presidentit Thaçi në Shqipëri është konfirmuar edhe nga zyra për media e Presidencës, e cila ka thënë më vonë do të njoftojë më gjerësisht rreth kësaj vizite.