Prodhimet “Made in Albania”, prezantohen në Panairin Ndërkombëtar të Mobilerise

Tashmë si një traditë 12 vjeçare, ësht çelur edhe këtë vit në Tiranë, Panairi i Mobilerisë “Shqipëria 2015″.

Ky eveniment synon t’u shërbejë zhvillimeve, progresit dhe inovacionit të mëtejshëm në këtë sektor të rëndësishëm të ekonomisë shqiptare, duke mbledhur aktorët kryesorë që veprojnë në fushën e industrisë së përpunimit të drurit, jo vetëm nga Shqipëria por dhe nga Kosovë, Gjermania, Italia,Suedia, e Finlanda.

Panairi i cili po qëndron i hapur nga data 12 mars deri më 15 mars 2015 në Pallatin e Kongreseve, paraqet kapacitetet dhe mundësitë për zhvillimin e këtij sektori, shkëmbimin e eksperiencave më të mira mes aktorëve brenda dhe jashtë vendit.

Sipas Klajdi Bektashit, drejtor ekzekutiv i Shoqatës së Prodhuesve të Mobilerisë së Shqipërisë, ideja është që produktet ‘Made in Albania’ në fushën e moblerisë të promovohen në tregun ndërkombëtar dhe pse jo edhe rritjen e eksportit, pasi standardet dhe cilësia janë shumë të arrira.
Bektashi thotë se çdokush mund ta gjejë veten te ky panair; duke filluar që nga një qytetar apo familjar i thjeshtë e deri tek bizneset e ndryshme që janë të interesuar për prodhime të mobilerisë.
Panairi i Mobilerisë Shqipëria 2015,është një organizim i Shoqatës së Prodhuesve të Mobilerisë në Shqipëri ( SHPMSH ) në bashkëpunim me kompaninë Albexpo Group. Në axhendën 3 ditore të Panairit janë planifikuar takime B2B, duke u dhënë mundësinë ekspertëve të fushës të ndajnë eksperiencën e tyre, të shkëmbejnë mendimet, diskutojnë zhvillimet e fundit dhe sfidat e këtij sektori.
Sipas statistikave në vendin tonë ushtrojnë aktivitetin rreth 1900 biznese nga të cilat 40 % janë biznese të mëdha dhe 60 % biznese të vogla. Numri i të punësuarve në këto biznese është mbi 50. 000 punonjës. Aktiviteti i tyre përfshin prodhimin e mobiljeve të banesave, hoteleve, restoranteve, zyrave, qendrave sportive e kulturore, komplekseve turistike, si dhe prodhimin e dyerve e dritareve.
Një drejtim pozitiv ka marrë prodhimi i banesave prej druri duke përdorur kryesisht lëndë të para importi. Njëkohësisht pozitive ka qenë futja e teknologjive dhe pajisjeve të reja në këtë sektor si rezultat i investimeve private të kryera