Punësimi i të rinjve dhe zhvillimi, çelet panairi “Work and Study” në Tiranë

U çel sot panairi i pestë kombëtar “Work and Study” pranë mjediseve të Muzeut Historik Kombëtar, i cili u organizohet nga Dhoma Kombëtare e Tregtisë, në bashkëpunim me Ministrinë e Arsimit e Sportit dhe Ministrinë e Mirëqenies Sociale dhe Rinisë.

Gjatë fjalës së tij, kreu i Dhomës së Tregtisë, Nikolin Jaka, ka theksuar se ky është një aktivitet i rëndësishëm sa i takon zhvillimi ekonomik të vendit.

“Viti 2013 ishte me shifra optimiste e shpresëdhënëse, si për punë kërkuesit, ashtu edhe për punëdhënësit, – tha Jaka. – “Ky aktivitet përçon një sinjal të ri për rininë shqiptare që të orientojë objektivat e saj për të ardhmen dhe për një efiçencë në zhvillimin ekonomik e familjar në të gjithë vendin. Falënderoj ministritë që bashkëpunuan me Dhomën Kombëtare të Tregtisë”.

Ndërkohë, panairi ekspozon edhe arritjet e tij. Këtë herë në panair, MAS-i dhe MMRS-ja, i kanë dhënë prioritet interesimit të të rinjve në kërkim të një pune pas diplomimit në shkollë.

Gjatë panairit ka folur edhe ministri Erion Veliaj: “Në këto 5 edicione, Dhoma e Tregtisë dhe Industrisë është kthyer në epiqendrën e një tregu që bashkon punëkërkuesit me punëmarrësit. Ky panair është në një rrugë të mbarë”.