Qazim Laçi zgjidhet në formacionin më të mirë të javës në Turqi

Mesfushori i kombëtares shqiptare, Qazim Laçi, po shkëlqen në kampionatin turk me fanellën e Rizesporit.

Në fundjavë mesfushori spikati me gol dhe asist në fitoren 3-2 të Rizespor ndaj Konyaspor. Laçi fillimisht riktheu baraspeshën në minutën e 18-të, ndërsa në pjesën e dytë dhuroi edhe një asist, duke qenë një nga lojtarët më të rëndësishëm në këtë përballje.

Faqja e specializuar e statistikave Sofascore e ka përfshirë Laçin në formacionin më të mirë të javës së 32-të të kampionatit turk, duke e vlerësuar me notën 9.1