Qeveria e gatshme për kompromise para zgjedhjes së presidentit
Deputetët grekë votojnë nesër në turin e dytë të zgjedhjeve presidenciale dhe për të shmagur dështimin e këtyre zgjedhjeve, në një kontekst ekonomik shumë të brishtë, qeveria është e gatshme tashmë për të përshpejtuar zgjedhjet e ardhshme legjislative.
Në rast të dështimit të zgjedhjes së presidentit të Republikës, do të ketë në fakt një shpërbërje të Parlamentit dhe më pas zgjedhje legjislative të parakohshme, ndoshta edhe që prej 25 janarit, ndërkohë që duhet të zhvillohen në qershor të vitit 2016.
Në një intervistë televizive, kryeministri konservatori Adonis Samaras u kërkoi deputetëve të vepronin sipas ndërgjegjes së tyre dhe të zgjidhnin presidentin për të shmangur një periudhë tjetër paqendrueshmërie në vend, gjithmonë një një situatë të pasigurtë.
”Ne duhet të gjejmë momentin e duhur për zgjedhje legjislative, duke përfshirë këtu fundin e vitit 2015, nëse zgjidhet presidenti i Republikës dhe nëse diskutimet lidhur me kreditë akorduar vendit nga FMN-ja dhe Bashkimi Evropian kanë përfunduar”, theksoi kryeministri gjatë një fjalimi televiziv, ndërkohë që zgjedhjet legjislative duhet të zhvillohen normalisht në qershor të vitit 2016.
”Kjo është një detyrë kombëtare dhe qëndrimi i përbashkët na shtyn të përfundojmë negociatat me kreditorët e vendit”, shtoi Samaras.
Në fillim të muajit dhjetor ai përshpejtoi me dy muaj zgjedhjen e presidentit të Republikës që do të pasojë Carolos Papoulias, mandati i të cilit përfundon në muajin mars. Por, kandidati i propozuar nga koalicioni i djathtë-socialist, ish-komisioneri evropian, Stavros Dimas ka marrë vetëm 160 vota nga 300 deputetë, ndërkohë që duheshin 200 për t’u zgjedhur.
